Rusiyanın Krasnoyarsk şəhərində 30 yaşlı Anna Qriqoryeva adlı qadın çalışdığı bankı soyub.

Azia.az "bizim.media"-ya istinadən xəbər verir ki, hadisə dekabrın 6-da baş verib.
A.Qriqoryeva iş saatı başa çatandan sonra çantasına 15 milyon rubl (345 min AZN), 49 min dollar (83 min AZN) və 49 min avro (94 min AZN) dolduraraq işlədiyi bankdan çıxıb.

Təhlükəsizlik kameraları vasitəsilə bankın öz işçisi tərəfindən soyulduğu aşkarlandıqdan sonra, görüntülər polisə təqdim edilib.

Ümumilikdə yarım milyon manatdan çox pul oğurlayan qadının axtarışlarına başlanılıb. Anna ilə əlbir olmaqda şübhəli bilinən əri də saxlanılıb.


Məqaləyə dair fotomateriallar: