Almaniyanın Sosial Demokrat Partiyasının reytinqi son 15 ildə ilk dəfə Angela Merkelin Xristian Demokrat İttifaqı Partiyasını üstələyib.

Azia.az xəbər verir ki, bu nəticə “Forsa” tədqiqatlar institutunun keçirdiyi sorğudan sonra ortaya çıxıb.

Məlumata görə, Xristian Demokratik İttifaqı Partiyasının reytinqi 22% təşkil edib. Onların ən güclü rəqibi sayılan sosial demokratlara dəstək verənlərin sayı isə 23% olub.

İlk üçlüyü 18% səslə Yaşıllar Partiyası qapadıb. Sonrakı yerlərdə Almaniya Azad Demokratik Partiyası (12%), Almaniya üçün Alternativ Partiyası (10%) və Sol Partiyası (6%) qərarlaşıb.