Azia.az;
“Məhz prezident Vladimir Putinin sayəsində Rusiyada müxalifətə qarşı tolerant münasibət var”.

Musavat.com xarici agentliklərə istinadən xəbər verir ki, bu sözləri Çeçenistan rəhbəri Ramzan Kadırov özünün Telegram kanalında yazıb.

Onun sözlərinə görə Putinin yerinə başqası olsaydı bütün radikal müxalif qüvvələri müxtəlif bəhanələrlə ölkədən qovardı.

Ramzan Kadırovun fikrincə, Rusiyada bu gün müxalifətin əsl simasını görən vətənpərvərlər var və onlar hal-hazırda sakit deyillər. Çeçen liderin iddiasına görə, “vətənpərvərlər”i hücumdan məhz Vladimir Putin saxlayır.

Qeyd olunur ki, Ramzan Kadırov Rusiya müxalifətinin lideri Aleksey Navalnının zəhərlənməsinin sifarişçisi kimi öz adını təklif edib. “Navalnı, fikirləş, bax sənə ideya da verirəm”,-deyə o, siyasi opponentinə səslənib.