"Arada bəxtsizlik, düşünmədiyimiz nəticələr oldu. Bununla belə, möhtəşəm il keçirdik".

Azia.az Report-a istinadla xəbər verir ki, bunu "Qarabağ"ın baş məşqçisi Qurban Qurbanov "ASCO Arena"da "Səbail"ə 3:0 hesabı ilə qalib gəldikləri Azərbaycan Premyer Liqasının XVIII tur oyunundan sonra "CBC Sport"a açıqlamasında deyib.

50 yaşlı mütəxəssis bildirib ki, futbolçular ilin əvvəlindən öz işlərinə ciddi yanaşdılar: "Qarşıya qoyulan məqsədə 70-80 faiz nail olduq.

Qarşılaşma ilə bağlı da fikirlərini bölüşən Qurbanov meydanda maraqlı və dinamik mübarizə getdiyini söyləyib: "Futbolçularımın istəyi, matça konsentrasiyası qaydasında idi. Meydanda inamlı komanda gördüm".

Baş məşqçi epizodların birində görüşün baş hakimi Vüqar Həsənliyə etiraz etməsinin səbəbini də açıqlayıb: "Ciddi problem yox idi. Oyunda mübarizə də olur. Həmin vaxt hakimə bildirdim ki, sarı verməyə tələsməsin. Sadəcə, tövsiyyə xarakterli söz idi".