"Milli komandaya cəlb olunma şansımı yüksək qiymətləndirirəm. Beynəlxalq yarışlarda da medallar əldə etmək istəyirəm".

"Report"un məlumatına görə, bunu jurnalistlərə açıqlamasında ağırlıqqaldırma üzrə Azərbaycan çempionatında bürünc medal əldə edən Elnarə Abbasova deyib.

"Zirvə" klubunda çıxış edən idmançı uzun müddət pandemiya ilə əlaqədar yarışlardan uzaq qaldığını xatırladıb: "Üzərimizdə zəhməti, əziyyəti olan məşqçilərə təşəkkür edirəm. İdmana qayıtdığımız üçün sevinirəm. Pandemiya bəlası bizdən uzaqlaşdı".

Abbasova zədə səbəbindən bürünc medalla kifayətləndiyini sözlərinə əlavə edib: "Ağır zədədən qayıtmışam. 1.5 aydır məşqləri bərpa etmişəm. Zədədən sonra göstərdiyim bu nəticəyə sevinirəm".

Ağırlıqqaldıran bu il Türkiyənin Konya şəhərində keçiriləcək V İslam Həmrəyliyi Oyunlarında qızıl medalı hədəfləyini vurğulayıb: "Orada öz gücümü göstərməyə çalışacağam".