Manset.az-ın məlumatına görə, hadisə dünən axşam saatlarında paytaxtın Nərimanov rayonu, Əhməd Rəcəbli küçəsində baş verib. İddiaya görə, yolda hərəkətdə olan “BakuBus” MMC-yə məxsus 5 saylı xətt üzrə hərəkət edən 99-JZ-648 dövlət qeydiyyat nişanlı sərnişin avtobusu FHN-in Dövlət Yanğından Mühafizə Xidmətinin 10-PF-306 nömrəli maşınına dəyib. Sonra tərəflər yolun hərəkət hissəsində avtomobillərini saxlayaraq mübahisə etməyə başlayıblar. Mübahisə yolda tıxaca səbəb olub.