TikTok istifadəçisi Leysi Quç toydan bir gün əvvəl onu tərk edən keçmiş nişanlısından qisas almaq üçün qeyri-adi üsula əl atıb.

Bildirilir ki, bu barədə "The Mirror" məlumat yayıb.

Qadın beş ildən çox nişanlısı ilə yaşayıb. Toy ərəfəsində kişi artıq Quçu sevmədiyini etiraf edib və boşanma təşəbbüsü ilə çıxış edib. Buna baxmayaraq, atılan gəlin üzülməyib.

O, bəyin valideynləri tərəfindən ödənilən bal ayını anası ilə keçirib. Qadın tətildən qayıdanda kişinin aldığı nişan üzüyünü satıb. Gəlirlə o, Britaniya Virciniya adalarına gedib və burada daha iki həftə keçirib.

Quç heç vaxt şənlikdə geyinmədiyi gəlinlikdə fotosessiya da təşkil edib. Daha sonra qadın nişanlısı ilə əvvəllər birlikdə yaşadıqları evi satıb. Quç bütün pulu götürüb sinə böyütmə əməliyyatına xərcləyib.

İndi qadın yeni münasibətdədir və keçmiş nişanlısını keçmişdə tərk etdiyini iddia edib. "İndi mənimlə kraliça kimi davranan bir sevgilim var. Düzünü desəm, keçmişimə təşəkkür etməliyəm, çünki burada əsl qalib mənəm", - o deyib.

İrfan Vəliyev