Azərbaycanda binaların zəlzələyə davamlı olmaması ilə müzakirələrin ardından sosial şəbəkələrdə fotofaktlar paylaşılıb.

Paylaşımların birində Xırdalandakı "Blue residence" şirkətinə məxsus binanın yarımtikili şəklindəki fotoları "Elə bil beton yerinə qamışdan istifadə ediblər" başlığı altında paylaşılıb.

Fotoya baxan zaman binanın sütunlarının bir mişar daşının enindən belə nazik olduğu görünür.

Müzakirəyə qatılanlar binanın beton sütunlarının bu qədər nazik qata malik olması ilə bağlı etirazlarını bildiriblər. Dolayısı ilə zəlzələyə davamlılığın zəif olduğunu qeyd edirlər.

Qarşı tərəfin də mövqeyini dərc etməyə hazırıq.

(cebhe.info)