Xalq artisti Mələkxanım Eyyubova şəxsi həyatı ilə gündəmə gəlib. 

Azia.az xəbər verir ki, "Zaurla Günaydın" proqramında iştirak etmək üçün ATV-yə gələn sənətçi keçmiş polis polkovniki olan həyat yoldaşı  Xosrov Nəcəfovla birlikdə görüntülənib.

Verilişin aparıcılarından biri Zaur Baxşəliyev Xosrov bəydən bəzi açıqlamalar alıb. O, Mələkxanım Eyyubova ilə 35 ildir evli və xoşbəxt yaşadığını deyib. 

Xosrov Nəcəfov evləndikləri ilk vaxtlar Xalq artistinə sənətlə məşğul olmağa icazə verməyib. Daha sonra onun istedadı qarşısında dayana bilmədiyini və səhnəyə çıxmasına icazə verdiyini bildirib. Xosrov bəy Mələkxanımın bütün ifalarını sevərək dinlədiyini də vurğulayıb.