azia.az
azia.az

Həkimdən DƏHŞƏTLİ PROQNOZ: Azərbaycanda bu tarixdən yoluxma KƏSKİN ARTACAQ, burada İSRAİLDƏKİ VƏZİYYƏT YAŞANACAQ VƏ...

18-08-2021, 11:11

Həkimdən DƏHŞƏTLİ PROQNOZ: Azərbaycanda bu tarixdən yoluxma KƏSKİN ARTACAQ, burada İSRAİLDƏKİ VƏZİYYƏT YAŞANACAQ VƏ...

Yoluxma son günlər kəskin artıb. Avtobuslarda, metroda sıxlıq olur, yay aylarıdır, insanlar çimərliklərə, hovuzlara üz tuturlar, bölgələrə axın edirlər. Tətil olduğuna görə əhali bir-birinin evinə qonaq gedir. Bu da yoluxma sayına təsirsiz ötüşməyib.

Azia.az xəbər verir ki, bunu Publika.az-a açıqlamasında Azərbaycan Həkimləri İctimai Birliyinin İdarə Heyətinin üzvü Ədalət Rüstəm deyib.


Həkim bildirib ki, isti hava da virusa təsir etmir və hazırda virus daha da aktivləşib: “Bu dövrdə insanların immuniteti aşağı düşür, soyuqdəymə xəstəlikləri çoxalır. İnsanlar həmişə məsuliyyətsiz olublar. Yenə də maskanı düzgün taxmırlar, çənədən aşağıya endirirlər və ya ümumiyyətlə, taxmırlar, qollarına keçirirlər. Bu da virusun daha çox yayılmasına səbəb olur. Mütəxəssislərimiz, alimlərimiz il yarımdan çoxdur ki, tövsiyə edirlər, məsləhətlər verirlər. Ancaq insanlar onlara yox, hansısa sadə vətəndaşın uydurmalarına, fərziyyələrinə qulaq asır, onlara inanırlar. Cümlələrini başlayanda "elə deyirlər, belə deyirlər" deyib alimlərə yox, Tükəzban xalalara, Məmmədqulu kişilərə qulaq asıb onlardan misal çəkirlər. Hər kəs deyir ki, biz peyvənd olunmuşuq, hər şey yaxşıdır. Bu rahatlıqla da qaydalara əməl etmək istəmirlər. Bəzi insanları da hazırda saxta COVID-19 pasportu düşündürür. Onu almağın yollarını axtarırlar”.

Həkimdən DƏHŞƏTLİ PROQNOZ: Azərbaycanda bu tarixdən yoluxma KƏSKİN ARTACAQ, burada İSRAİLDƏKİ VƏZİYYƏT YAŞANACAQ VƏ...

Ə.Rüstəm qeyd edib ki, hazırkı yoluxanların 90 faizi peyvənd olunmayanlardır: “Ağır keçirənlər də vaksin olunmayanlardır. Peyvənd vurduranların böyük əksəriyyəti xəstəliyi yüngül keçirir. Proqnozlarım isə bədbindir. Güman ki, İsraildəki vəziyyət Azərbaycanda da yaşanacaq. Düşünürəm ki, insanlara saxta peyvəndlər vurulub, peyvənd əvəzinə hidrogen məhlullar yeridilib. Bütün dünyada yoluxma artır, qonşu ölkələrdə də artır. Bizdə daha çox artacaq. Üzü payıza doğru gedirik”.

Həkim qarşıdakı dövrdə ölkəmizdə yoluxmaların daha çox artacağını vurğulayıb: “Payızda, qışda günlük yoluxmanın 6-7 min olacağını düşünürəm. Vaksinasiyasını sürətləndirmək və insanları real vaksin etmək yeganə çıxış yoludur. Saxta pasportların verilməsinin qarşısını almaq lazımdır. İnsanlar açıq-aydın saxta pasportun qiymətini müzakirə edir. Bununla bağlı tədbir görülməlidir”.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
MƏZƏNNƏ
 Valyuta məzənnəsi