İngiltərənin "Mançester Yunayted" futbol klubunun portuqaliyalı hücumçusu Kriştianu Ronaldu komandasının İspaniyanın "Rayo Valyekano"su ilə yoldaşlıq oyununda iştirak edəcəyini açıqlayıb.

"Report"un məlumatına görə, hücumçu bu barədə sosial şəbəkədəki hesabında yazıb.

Görüş iyulun 31-də “qırmızı şeytanlar”ın doğma stadionu “Old Trafford”da baş tutacaq.

Hücumçu yazıb ki, şənbə günü "Atletiko Madrid"lə yoldaşlıq oyunu üçün təyyarə ilə Osloya uçan "Mançester Yunayted"in futbolçuları siyahısına salınmayıb.

"Kral” bazar günü oynayacaq", - Ronaldu qeyd edib.