Rusiya Milli Futbol Liqasının 6-cı turunda keçirilməsi nəzərdə tutulan "Soçi" - "Ulyanovsk" qarşılaşması təxirə salınıb.

Sportinfo.az xəbər verir ki, bu barədə azərbaycanlı hücumçu Ramil Şeydayevin çıxış etdiyi "Soçi" məlumat yayıb.

Qarşılaşmanın təxirə salınmasına pilotsuz uçuş aparatları ilə bağlı təhlükə xəbərdarlığının elan edilməsi səbəb olub.

Bildirilib ki, matça bileti olan azarkeşlərin stadiona girişinə əvvəlcədən müəyyənləşdirilmiş vaxtda icazə veriləcək.

Onlardan stadiona daxil olduqdan sonra tribunaların altındakı təhlükəsiz ərazilərə keçmələri, stüardların və təhlükəsizlik əməkdaşlarının göstərişlərinə əməl etmələri, həmçinin sakitliyi qorumaqları xahiş olunub.