Xəbər verilir ki, bu barədə "Haaretz" qəzeti məlumat yayıb.

Nəşrin məlumatlı mənbələrə istinadən yazdığına görə, tərəflər arasında görüşün baş tutmaması ilə bağlı müxtəlif iddialar mövcuddur; israilli mənbə bildirib ki, Zelenskinin ofisi əvvəlcə Netanyahunun dəftərxanası ilə əlaqə saxlayaraq görüş təşkil etməyə çalışıb, lakin israil tərəfi heç vaxt cavab verməyib, ukraynalı mənbə isə iddia edir ki, əslində təşəbbüs İsrail tərəfindən irəli sürülüb, lakin Kiyev razılıq verdikdən sonra iyulun 28-dək israilli rəsmilərdən heç bir cavab gəlməyib və daha sonra İsrail tərəfi vaxt azlığı səbəbindən baş nazirin bu görüşü keçirə bilməyəcəyini bəyan edib.

Qəzet qeyd edir ki, çərşənbə axşamı ABŞ Prezidenti Donald Tramp Ağ Evdə Netanyahu və Zelenski ilə ayrı-ayrılıqda görüşlər keçirib, həmin gün onların hər ikisi senator Lindsi Qremin mərasimində iştirak ediblər və məhz orada Zelenski Netanyahuya yaxınlaşaraq qısa fikir mübadiləsi aparıblar, Netanyahunun dəftərxanası isə məsələ ilə bağlı hər hansı şərh verməkdən imtina edib.

Xatırladaq ki, Netanyahu və Zelenski sonuncu dəfə 2023-cü ilin sentyabrında BMT Baş Assambleyası çərçivəsində görüşüblər, həmin il oktyabrın 7-də HƏMAS-ın İsrailə hücumundan dərhal sonra Zelenski həmrəylik nümayiş etdirmək üçün İsrailə səfər etmək istəsə də, onun bu xahişi rədd edilmişdi.