Türkiyənin milli istehsalı olan Bayraktar TB3 silahlı pilotsuz uçuş aparatının (PUA) iki prototipi, “DENİZKURDU-2025” təlimi çərçivəsində TCG Anadolu gəmisindən havalanaraq MAM-L raketi ilə hədəfi tam dəqiqliklə məhv edib.

Redaktor.az xəbər verir ki, Dəniz Qüvvələri Komandanlığının təşkil etdiyi təlim zamanı PT-3 və PT-4 nömrəli Bayraktar TB3-lər ASELSAN tərəfindən hazırlanan yerli ASELFLIR-500 elektro-optik sistemi vasitəsilə müəyyən edilmiş hədəfi MAM-L mühimmatı ilə yüksək dəqiqliklə vurub.

Bayraktar TB3 PUA-ları uğurlu atışdan sonra təhlükəsiz şəkildə TCG Anadolu gəmisinə qayıdıb. Bu uğurlu sınaq, Türkiyənin müdafiə sənayesindəki milli texnologiya irəliləyişinin daha bir göstəricisi kimi qiymətləndirilir.

Kənan YUSİF