Rusiya Ukraynanın havadan müdafiə sistemlərinin yerini müəyyən etmək üçün əski birmotorlu An-2 (Kukuriznik – red.) mülki təyyarələrindən istifadə edəcək.

Xəbər verilir ki, bu barədə “Defence Blog” məlumat yayıb.

“Rusiya ordusu Ukraynanın hava hücumundan müdafiə sistemlərini sovet An-2 ilə məğlub etməyin yeni yollarını gizli şəkildə sınaqdan keçirir. Rusiya qüvvələri Ukraynanın hava hücumundan müdafiə sistemlərini sıradan çıxarmaq üçün köhnəlmiş iki qanadlı təyyarələrdən yalançı hədəf kimi istifadə etməyi öyrənir və onları cəbhə xəttinə çatdırır”, - deyə bildirilib.

Belə ki, əməliyyatın prinsipi son dərəcə sadədir: bir neçə “kukuriznik” havaya qalxır və Ukrayna ilə sərhədi yarmağa cəhd edir ki, bu da Ukrayna tərəfinin diqqətini cəlb edəcək. Nəticədə təyyarə hava hücumundan müdafiə sistemləri tərəfindən vurulacaq, onların mövqeləri hava-desant tədqiqat obyektləri tərəfindən anında izlənəcək. Daha sonra Ukraynanın zenit-raket qurğularının yeri ilə bağlı məlumatlar Rusiyanın aviasiya və raket qüvvələrinə ötürüləcək.

Amerikan saytı yazır ki, bu hərbi taktikadan Azərbaycan 2020-ci ildə Ermənistan tərəfindən işğal edilmiş torpaqlarını azad edərkən istifadə edib.My Webpage