Azərbaycanlı gənc onun hesabına yatırılan zəlzələ yardımını geri qaytarıb.

Yaşayış qeydiyyatı Qaziantepdə olan azərbaycanlı gənc hesabına yatırılan 10 min lirəlik zəlzələ yardımını geri qaytarıb. Bu haqda tanınmış jurnalist İzzət Aydın məlumat verib.

2018-ci ildə Qaziantep Universitetində təhsilini başa vuran 26 yaşlı azərbaycanlı Musa Musazadə nümunəvi davranışı ilə diqqət çəkib.

Belə ki, Musa Musazadə Azərbaycana hərbi xidmətə qayıtdıqdan sonra İstanbulda məskunlaşıb. Universitet təhsilini aldıqdan sonra Qaziantepdəki qeydiyyatını dəyişməyən azərbaycanlı gənc tələbəlik illərində yaşadığı binanın baş verən zəlzələ fəlakətində dağılmasından sonra bank hesabına 10 min lirəlik zəlzələ yardımı yatırıldığını görüb.

Hesabında olan pulu xərcləmədən AFAD qruplarına çatdıran Musa Musazadə yaşadığı Sultanbəyli rayon qubernatorluğuna ərizə ilə müraciət edərək vəziyyəti xəbər verib.

Sultanbəyli Rayon İcra Hakimiyyətinin başçısı Kamal Şahin zəlzələ qurbanı olmadığını və hesabına yatırılan pulu geri qaytaracağını bildirdikdən sonra Musa Musazadəyə nümunəvi davranışına görə təşəkkür edib və onu təbrik edib. 

Musa Musazadə açıqlamasında "Mən dedim ki, pul hadisədən zərərçəkmiş vətəndaşlarımıza məxsusdur və pullar geri qaytarılmalıdır. Mən zəlzələ qurbanı olmadığımı və zəlzələ zamanı orada yaşamadığımı dedim. Sultanbəyli rayon qubernatorluğuna müraciət etdim. Bu hadisənin baş verdiyini onlara bildirdim. Pulu qaytarmaq istədiyimi dedim. Əmanətin mənə aid olmadığını və hadisədən zərərçəkən vətəndaşlarımıza aid olduğunu söylədim. Bu puldan bir qəpik belə xərcləmək mümkün deyil. Bu pul yaralanan və qayğıya ehtiyacı olan qardaşlarımızın haqqıdır. 4 il Qaziantepdə yaşadım və oradakı insanlar mənə öz övladları kimi baxdılar”, - deyə bildirib.