Xəbərə görə, AĞCABƏDİDƏ azyaşlı uşaq rayonun Hindarx qəsəbəsi ərazisində zibillik olan yerdən qumbara tapıb. Azyaşlı tapdığı qumbaranı evə gətirərək ailə üzvlərinə verən zaman ehtiyatsızlıqdan qumbara açılıb və partlayış baş verib.

Qumbarasının partlaması nəticəsində 5 nəfərin öldüyü, 2 nəfərin isə yaralandığı məlum olub. Belə ki, hadisə zamanı Quliyev Şamiq, Quliyev Bəhruz, Məmmədli Məhəmməd, Məmmədli Murad və Quliyev Natiq YERİNDƏCƏ KEÇİNİB. Qeyd edək ki, 2 nəfər isə yaralanıb. Ölən və yaralananların bir ailənin üzvləri olduğu bildirilir.

Xatırladaq ki, hadisə ilə bağlı Baş Prokurorluq da məlumat yayıb. Hazırda prokurorluq əməkdaşları tərəfindən hadisə yeri müayinə olunur və digər zəruri prosessual hərəkətlər icra edilir.

Faktla bağlı Ağcabədi rayon prokurorluğunda araşdırma aparılır.