Masallıda Rayon İcra Hakimiyyəti və Masallı Su Meliorasiya Sistemlərinin İstismarı İdarəsinin birgə təşkilatçılığı ilə “Yaşıl dünya naminə həmrəylik ili” çərçivəsində Ümummilli Lider Heydər Əliyevin anım gününə həsr olunmuş ağacəkmə aksiyası keçirilib.

Azia.az bloqu  AsiyaTV-yə istinadən xəbər verir ki, aksiyada Masallı Rayon İcra Hakimiyyətinin başçısı Araz Əhmədov, Masallı Su Meliorasiya Sistemlərinin İstismarı İdarəsinin rəisi Akif Həmidov, hüquq mühafizə orqanları, idarə-müəssisə, təşkilat rəhbərləri və rayon ictimaiyyətinin nümayəndələri iştirak ediblər.

Ağacəkmə aksiyasının keçirilməsində məqsəd “Yaşıl dünya naminə həmrəylik ili” çərçivəsində ölkəmizdə ekologiyanın qorunması, ətraf mühitin sağlamlaşdırılmasına hər zaman böyük önəm vermiş Ulu Öndər Heydər Əliyevin əziz xatirəsini yad etmək və “Hərəyə bir ağac əkək” devizini yaşatmaqdır.
Aksiya zamanı 200 ədəddən çox zeytun ağacı əkilmişdir.