Aparıcı Vüsalə Əlizadənin "7 canlı" proqramının yayımı yarımçıq dayandırılıb.

BAKU.WS xəbər verir ki, Təranə Qumral və onun həyat yoldaşı Musa Musayev verilişin qonağı olublar. Sənətçilər proqrama övladları Sevgi və Qumralla qatılıblar.

Veriliş başladıqdan qısa müddət sonra Qumral mahnı ifa edib. Bu zaman proqramın yayımı yarımçıq dayandırılıb. Bundan sonra "Ağdam və mən" adlı layihə təqdim edilib.

Verilişdə qonaq olan Təranə Qumral Lent.az-a açıqlama verib: "Bu, sadəcə, texniki səbəbdən oldu. Söylədilər ki, verilişin peykə canlı siqnalı getmir. Ona görə də dünən veriliş axıra qədər çəkildi, sonra efirə təqdim ediləcək. Proqramın hansı gün efirə veriləcəyini özüm sosial şəbəkədəki səhifəmdə paylaşıb bildirəcəm. Verilişin anonsu artıq hazırlanır".