Xalq artisti, iş adamı Emin Ağalarov bu yaxınlarda sosial şəbəkələrdə mənzil bağışlayacağı barədə açıqlama ilə çıxış etmişdi. Vədinə sadiq qalan xalq artisti dekabrın 10-da Moskvada Crocus City Hall-da "Reputasiya" biznes-forumu keçirib.


Buna uyğun olaraq istənilən iştirakçı Xəzər sahilində 50 kv.m sahəsi olan mülkün sahibi ola bilər. Diqqətəlayiq hal ondan ibarətdir ki, aksiyanın iştirakçıları "Onlayn" yolla bilet alan şəxslər də ola bilərdilər. O cümlədən hər hansı bir kateqoriyanı satın alan və Rusiyanın paytaxtında foruma gələn hər kəs bu evə sahib ola bilərdi. Aksiyanın qalibi Zümrüd Quliyeva olub. O, Sea Breeze Resort ərazisində yerləşən White Hoteldə mənzil sahibi olub. "Mən hələ də mənzili udduğuma inanmıram. Bu, mənim arzum idi", - deyə Zümrüd Quliyeva Emin Ağalarovla təəssüratlarını bölüşüb.