Geridə qoyduğumuz 2021-ci il xoş hadisələrlə yanaşı, həm də itkilərlə yadda qalıb.

Ölkə.Az 2021-ci ildə vəfat edən məşhurların siyahısını təqdim edir:

Bu il ilk olaraq Azərbaycanın Əməkdar incəsənət xadimi, bəstəkar Nailə Mirməmmədlini itirdik. N.Mirməmmədli 59 yaşında qəfil ürək tutmasından vəfat edib.





Növbəti itki isə Xalq artisti, bənzərsiz ifaçı Yalçın Rzazadə oldu. 75 yaşlı müğənni uzun sürən xəstəlikdən sonra fevralın 22-də vəfat edib.






Azərbaycanda tanınmış aktyor və aparıcı Ramiz Hüseynzadə isə bu ilin 18 martında 42 yaşında beyninə qan sızmasından (insult) dünyasını dəyişib.





“Rəmiş” adı ilə tanınan məşhur gitara ifaçısı, Xalq artisti Rafiq Hüseynov aprel ayında 76 yaşında qaraciyər çatışmazlığından vəfat edib.


Bu ilin ən çox danışılan itkilərindən biri də Azərbaycanın gənclər və idman naziri Azad Rəhimov oldu. Ağciyər xərçəngindən və qaraciyər serozundan əziyyət çəkən 57 yaşlı nazir 30 apreldə ABŞ-da müalicə aldığı xəstəxanada vəfat edib.





Azərbaycanın Xalq artisti, kinorejissor Ramiz Əzizbəyli bu ilin iyun ayında koronavirusa yoluxduqdan sonra ifarkt keçirmişdi. 73 yaşlı sənətkar 9 iyunda dünyadan köçüb.


Xalq artisti Səməd Səmədov, Əməkdar artisti Yaqub Zurufçu, müğənni Səyyad Əlizadə,jurnalist Elnur Əşrəfoğlu, Xalq artisti Arif Quliyev, Əməkdar artisti Baloğlan Əşrəfov isə bu il koronavirusa məğlub olanlar sırasındadır.

Həmçinin 2021-ci ildə Azərbaycanın Xalq artisti, xanəndə Canəli Əkbərov 81 yaşında dünyasını dəyişib.

54 yaşlı müğənni Aslan Hüseynov mayın 4-də Bakı-Qazax yolunda yol-nəqliyyat hadisəsi zamanı həlak olub.

Uzun illərdir parkinson xəstəliyindən əziyyət çəkən xalq şairi Musa Yaqub 7 mayda 84 yaşında vəfat edib.

Xalq artistləri Vaqif Şərifov, Teymur Mirzəyev, Əməkdar artistlər Məcnun Hacıbəyov, Çiçək Rzayeva, Emil Həsənov da bu il vəfat edənlər sırasındadır.