Ermənistanın baş naziri Nikol Paşinyan dünən Belçikanın paytaxtı Brüssel şəhərində Azərbaycan Prezidenti İlham Əliyev və Avropa Şurasının sədri Şarl Mişellə keçirdiyi görüşü ilə bağlı Tvitter hesabında paylaşım edib.

Azia.az xəbər verir ki, o, paylaşımında hər iki siyasətçinin adını “tag” edib:

“Üçtərəfli görüşdə Avropa Şurasının sədri Şarl Mişel (@CharlesMichel) və Prezident İlham Əliyevlə (@azpresident) Azərbaycan və Ermənistanın suverenliyi və səlahiyyətləri çərçivəsində qəbul etdiyimiz sərhəd və gömrük qaydaları əsasında dəmir yolunun yenidən işə salınması haqqında sazişi təsdiq etdik. Ermənistan İran və Rusiyanın dəmir yoluna çıxış əldə edəcək”.