"Xankəndidə çətin bir vəziyyət yarandı" - Sülhməramlı zabitdən AÇIQLAMA

"Rusiya sülhməramlı kontingenti Dağlıq Qarabağda atəşkəs və hərbi əməliyyatlarla bağlı əldə edilmiş razılaşmaların yerinə yetirilməsinin monitorinqi üzrə tapşırıqları yerinə yetirməyə davam edir".

Azia.az xəbər verir ki, bunu Azərbaycanın Qarabağ bölgəsində müvəqqəti yerləşdirilmiş Rusiya sülhməramlılarının nümayəndəsi, polkovnik-leytenant Vladislav Demkin avqust ayı üzrə hesabat brifinqində deyib.

Onun sözlərinə görə, avqust ayında atəşkəsin pozulması halları qeydə alınıb: "Rusiya sülhməramlı kontingentinin komandanlığı gərginliyin daha da artmasının qarşısını almaq və atəşkəsi bərpa etmək üçün vaxtında tədbirlər gördü".

Vladislav Demkin qeyd edib ki, bir ay ərzində Azərbaycan silahlı qüvvələrinin 80 avtomobil karvanının Laçın dəhlizindən şimal və cənub istiqamətlərində, habelə digər marşrutlar üzrə təhlükəsiz keçməsi təmin olunub: Şuşa-Qırmızı Bazar-Qacar və Madagiz (Suqovuşan) - Getavan Vəng və əks istiqamətdə müşayiət təmin edildi. Həmçinin, Rusiya sülhməramlı kontingentinin nümayəndələri 700-ə yaxın zəvvarı müşayiət ediblər".

Polkovnik-leytenant bildirib ki, avqustun 16 -dan etibarən Rusiya sülhməramlı kontingentinin komandanlığı çətin bir humanitar vəziyyətin qarşısını almaq üçün Xankəndi sakinlərini içməli su ilə təmin edir: "Ümumilikdə 200 tondan çox içməli su çatdırılıb".


Vladislav Demkin deyib ki, atəşkəs rejiminə nəzarət etmək, vəziyyəti izləmək və təxribatçı hərəkətlərin qarşısını almaq üçün Rusiya sülhməramlı kontingentinin Mobil Qrupları "Dağlıq Qarabağ"da təmas xətti boyunca patrul xidməti aparır: "Müxtəlif marşrutlar üzrə 19 səfər həyata keçirilib.

Rusiya Humanitar Müdaxilə Mərkəzinin nümayəndələri xeyriyyə təşkilatlarının iştirakı ilə məcburi köçkünlərə və ehtiyacı olan ailələrə yardım göstərmək üçün 5 humanitar aksiya həyata keçirib. On beş tondan çox humanitar yardım verilib.

Sülhməramlı kontingentin xüsusi təyinatlı tibb bölməsinin həkimləri 500 nəfərdən çox yerli sakinə ixtisaslı yardım göstərdilər.

Avqustun 20-də, Dağlıq Qarabağın ucqar bölgələrində, əməkdaşları müxtəlif növlərdə təhlükəsizliyi təmin etmək üçün 150 nəfərdən çox yerli sakinin müraciətini qəbul edən Rusiya sülhməramlı kontingentinin Səyyar İctimai Qəbulu işə salındı. Məqsəd ölü və itkinlərin axtarışı, tibbi və ünvanlı humanitar yardım göstərməkdən ibarətdir.

Son bir ayda Rusiya sülhməramlıları kənd təsərrüfatı və təmir işlərinin təhlükəsizliyini təmin etmək üçün 60-a yaxın səfər ediblər".

Sülhməramlı zabitin sözlərinə görə, ərazinin və obyektlərin minalardan təmizlənməsi, partlamamış hərbi sursatların məhv edilməsi Rusiya mühəndis qrupları tərəfindən davam etdirilir:

"Bu günə qədər 1937 bina yoxlanılıb, 682 kilometr yol və 2275 hektar ərazi təmizlənib, 25.800 partlayıcı obyekt aşkarlanaraq məhv edilib".

Vladislav Demkin bildirib ki, Rusiya sülhməramlı kontingenti əvvəllər əldə edilmiş razılaşmalara uyğun olaraq bölgədə sülhün qorunması vəzifələrini yerinə yetirməyə davam edir.