“Appendisitin xaric edilməsi əvəzinə gəncin uşaqlıq borusunu kəsiblər”. DİA.AZ xəbər verir ki, bu haqda Dünyanınsəsi.Az saytına Samux rayon Qarabağlılar kənd sakini Yusifov Rantiq şikayət edib.
Şikayətçi qeyd edir ki, 2008-ci il təvvəlüdlü qızı Əzizə Yusifova 02.04.2022-ci il tarixdə qarın boşluğunda baş vermiş kəskin ağrılarla bağlı Gəncə şəhər 2 saylı Birləşmiş Uşaq xəstəxanasına müraciət edib.Xəstə həkim müayinəsindən keçdikdən sonra məlum olub ki, appendisit təcili xaric edilməlidir.Bununla bağlı 2 saylı Birləşmiş Uşaq xəstəxanasının baş həkimi Hafiz Abdullayev ixtisasca cərrah olduğundan valideyinlərlə bazarlıq edərək onlardan 500 manat da pul alır.Və onlara bildirir ki, bizim uşaq xəstəxanasında anestezioloq olmadığından əməliyyatı Gəncə şəhər Təcili Tibbi Yardım xəstəxanasında etməliyəm.Carəsiz qalan Samux sakinləri baş həkimlə razlaşaraq övladının əməliyyat edilməsinə razlıq verir.Sözügedən əməliyyatdan sonra Əzizə Yusifovanın daxili qanaxması dayanmadığından valideyinlər övladını Gəncə şəhər Abbas Səhhət adına 1 nömrəli şəhər xəstəxanasında UZİ-dən ( ultrasəs müayinəsi) keçirərkən məlum olub ki, uşaqlıq borusu kəsilib.Məhz buna görədə qanaxma dayanmır.Xəstə valideyinləri baş həkim Hafiz Abdullayevi qısma-boğmaya saldıqdan sonra xəstəni təcili olaraq 12.04.2022-ci il tarixdə paytaxt Bakı şəhərinə göndəriblər.
Appendisitin xaric edilməsi orqanizmdə hər hansı bir funksiya pozğunluğuna yol açmaz. Xəstə normal şəraitdə əməliyyatdan sonra ayağa qalxıb yeriyə bilər. Xüsusi qidalanmaya ehtiyac duyulmaz. Ağrı kəsici və antibiotik verilərək xəstə evinə göndərilir. 2-3 gün müddətində bağlı qalacaq olan yara, 3-cü gün sarğı edilərək açılır.
Amma 11 gündür ki, əməliyyat olunmasına baxmayaraq Əiziə Yusifova ölümlə qalım arasında çabalayır.
Qeyd edək ki, bir sıra ölkələrdə, o cümlədən, Yunanıstan, İslandiya, İsrail, Litva, Finlandiyada pasientlərin hüquqları ilə bağlı ayrıca qanun qəbul edilib, bir qrup ölkələrdə əhalinin sağlamlığı haqqında qanunda pasientlərin hüquqlarının müdafiəsi ilə bağlı müddəalar əksini tapıb. Digər bir qrup ölkələr var ki, (Çexiya, Fransa, Böyük Britaniya və digərləri) pasientin hüquqları haqqında Xartiya əsas götürülür. Bizdə isə hələki, bütün yollar icbari tibbi sığortaya aparır. Görünür çox gözləməli olacağıq. Amma xəstələr gözləyə bilmir axı. Elə Əzizə yusifova kimi…
Gəncə şəhər 2 saylı Birləşmiş Uşaq xəstəxanasının baş həkimi Hafiz Abdullayev vəzifə səlahiyyətlərindən sui-istifadə etməklə icbari tibbi sığorta tələblərini pozaraq pasientin valideyinlərindən rüşvət alması iddia edilir.
Faktla bağlı Samux sakini övladının orqanının kəsilməsi yaxud zədələnməsi ilə bağlı zərərçəkmiş kimi Gəncə şəhər Prokurorluğundan qanunamüvafiq formada tədbir görülməsini xahiş edir.
Redaksiya olaraq baş həkim Hafiz Abdullayevdən olanlarla bağlı münasibət öyrənməyə çalışdıq. Baş həkim əməkdaşımızla olan söhbətində yuxarıda qeyd etdiklərimizin bir qismini təsdiq edərək bildirib ki, son durumla bağlı xəsətəni paytaxt Bakıya göndəririk.

Mənbə:My Webpage