Heç olubmu ki, səbəbsiz yerə üzərinizdə qeyri-adi yorğunluq və ağırlıq, mənfi fikirlər, duyğu ağırlığı və çarəsizlik hiss edəsiniz?

Və bütün bunlar birdən-birə, özü də doğma evinizin divarları arasında baş verir?!

Təəssüf ki, bəzən hətta öz rahat və gözəl evimiz də bizi pis energetikadan qoruya bilmir. Mənfi enerji o qədər güclüdür ki, təkcə bizə deyil, evin digər sakinləri ilə münasibətlərimizə də təsirsiz ötüşmür.

Əgər ailənizdə mübahisələr şiddətlənibsə, doğmalarınız arasında daha tez-tez anlaşılmazlıq yaşanırsa, hamı həddən artıq əsəbi olubsa, dostlar sizdən uzaqlaşıbsa, hətta ev heyvanları kefsiz, bitkilər isə solmağa başlayıbsa, təcili sürətdə evin təmizlənməsi proseduruna başlamaq lazımdır.