Minsk “Dinamo”sunun sabiq qapıçısı Aleksandr Qutor Konfrans Liqasının II təsnifat mərhələsində doğma komandasının “Neftçi”yə qarşı keçirdiyi oyunu dəyərləndirib.

Xəbər verilir ki, Belarus millisinin keçmiş qolkiperi Azərbaycan təmsilçisinin Bakıdakı çıxışına təəccübləndiyini gizlətməyib.

2020-ci ildə Yuri Vernidubun rəhbərliyi altında Soliqorsk “Şaxtyor”unda oynamış 37 yaşlı futbolçu “Neftçi”nin 2:4 hesablı məğlubiyyətinə maraqlı şərh gətirib.

“Yuri Vernidubun rəhbərliyi altında birlikdə çalışdığımız “Şaxtyor”da futbolçular adətən mövsümə həmişə yaxşı hazır olurdular.

Xüsusilə fiziki cəhətdən. Mövsümöncəsi hazırlıq çox keyfiyyətli keçirdi. Amma burada “Neftçi” artıq 25-ci dəqiqədə fiziki baxımdan gerilədi.