Belçikanın "Leven" klubunda çıxış edən Musa əl-Tamarinin adı "Qarabağ"la hallanır.

Azia.az-ın məlumatına görə, yaxın keçmişdə APOEL-in futbolçusu kimi Ağdam klubuna qarşı oynayan iordaniyalı hücumçunun karyerasını Azərbaycanda davam etdirmək istədiyi deyilir.

Xəbəri "Qarabağ"ın mətbuat xidmətinin rəhbəri Gündüz Abbaszadə təsdiqlədi. Saytımıza açıqlama verən Abbaszadə bunları bildirdi: "Bəli, əl-Tamarinin transferi müzakirə olunub. Onunla danışıq aparılıb. Futbolçu "Qarabağ"da çıxış etməyə müsbət yanaşır. Sadəcə, klubu ilə anlaşmaq mümkün olmayıb. Söhbət hansısa transfer məbləği ilə bağlı fikir ayrılığından getmir. "Leven" əl-Tamarini buraxmaqda maraqlı deyil".