Azərbaycan Milli Elmlər Akademiyasının prezidenti, akademik İsa Həbibbəyli şəxsi kitabxanasından Mərkəzi Elmi Kitabxanaya dəyərli nəşrlər hədiyyə edib.

 Onların sırasında AMEA-nın Fəlsəfə və Sosiologiya İnstitutunda Ulu Öndər Heydər Əliyevin anadan olmasının 100 illik yubileyinə həsr olunmuş “Milliliyin, milli özünüdərkin qeyri-səlis məntiq kontekstində epistomoloji xüsusiyyətləri”, M.Əliyevin “Ömrüm”, A.S.İltaşın “Heydər Əliyev. İnsan ürəyi ilə Heydər baba”, akademik A.Əlizadənin “Azərbaycan elmi: gələcəyə baxış” ikicildliyi, S.Şərifovanın “Leyla Əliyevanın poetik dünyası” adlı monoqrafiyası, M.Hacısalihoğlunun “Türklərin və qohum topluluqların kədərli ildönümləri. XIX əsrdən günümüzə sürgünlər, qətliamlar, etnik təmizləmə siyasəti və soyqırımlar” türk və xarici dillərdə digər kitablar var.

 Təqdim olunan nəşrlər MEK-in Akademiklər kitabxanasındakı “Akademik İsa Həbibbəyli” kolleksiyasında öz yerini tutub.

 AMEA rəhbərinin 2022-ci ildə özü tərəfindən kitabxanaya hədiyyə edilən kolleksiyada 1000-ə yaxın ədəbiyyat mövcuddur.