Rod-Aylend rayon Məhkəməsi ABŞ Ətraf Mühitin Mühafizəsi Agentliyinin(EPA) günəş enerjisi istehsalına dövlət dəstəyini dayandıran qərarını qanunsuz elan edib.

Xəbər verilir ki, söhbət 7 milyard dollarlıq günəş enerjisi qrant proqramından gedir. 2025-ci ilin avqust ayında ABŞ Ətraf Mühitin Mühafizəsi Agentliyinin rəhbəri Li Zeldin "Hamı üçün Günəş" layihəsinin dayandırıldığını elan edib. Keçmiş prezident Co Baydenin dövründə təsdiqlənən proqram 900.000-dən çox aşağı gəlirli amerikalı üçün günəş elektrik enerjisinə çıxışı genişləndirmək məqsədi daşıyırdı.

2025-ci ilin fevral ayında ABŞ prezidenti Donald Tramp Enerji Dominantlığı üzrə Milli Şuranın yaradılması haqqında sərəncam imzalayıb və iyul ayında günəş və külək enerjisi üçün hökumət subsidiyalarının dayandırılması haqqında sərəncam imzalayıb. ABŞ hökuməti iddia edir ki, yaşıl enerji subsidiyaları milli təhlükəsizliyə təhdid yaradır, çünki onlar ABŞ-ı düşmən ölkələrin təchizat zəncirlərindən asılı edir.

Məhkəmə hakimi Meri MakElroy Tramp administrasiyasının qərarını ləğv edib:

"Cavabdehin "Hamı üçün Günəş" proqramını dayandırması qanunsuz hesab olunur".