ABŞ hərbçiləri İranın hücumları səbəbindən Küveyt və Səudiyyə Ərəbistanında yerləşən Amerika bazalarında yaranmış dağıntıların görüntülərini paylaşıblar.

Bu barədə fotoları "CBS News" telekanalı təqdim edib.

"Hərbi bazalarımıza böyük zərər dəyib və bu barədə Amerika cəmiyyətinə məlumat verilməyib. Biz sadəcə gözlərimizi yumaraq üzümüzə dəyən zərbələri qəbul edirik", - deyə telekanal xidmət ərazisində olan hərbçilərdən birindən sitat gətirib.

Səudiyyə Ərəbistanında yerləşən "Şahzadə Sultan" aviabazasında çəkilmiş şəkildə mərmi zərbəsindən sonra quyruq hissəsi gövdədən ayrılmış "Boeing E-3 Sentry" təyyarəsi əks olunub. Küveytin "Kemp-Bürinq" bazasından əldə edilən kadrlarda isə xarabazara çevrilmiş binalar və nəqliyyat vasitələri yer alıb.//oxu.az