Ukrayna Prezidenti Volodimir Zelenski bəyan edib ki, Rusiya sabah – 12 may tarixindən etibarən atəşkəsi rəsmi şəkildə təsdiqləyə bilər.

Xəbər verilir ki, bu barədə Zelenski jurnalistlərə açıqlamasında danışıb. Onun sözlərinə görə, Rusiyanın nəhayət müharibəni dayandırmaq barədə düşünməsi "yaxşı əlamətdir".

“Əgər hər hansı bir müharibənin həqiqi sonu olacaqsa, onun ilk addımı atəşkəsdir. Biz gözləyirik ki, sabahdan – 12 may tarixindən başlayaraq, Rusiya tam, uzunmüddətli və etibarlı atəşkəsi təsdiqləyəcək və Ukrayna buna hazırdır”, – deyə dövlət başçısı vurğulayıb.