Fransanın paytaxtı Parisdə yerləşən restoranların birinin dörd əməkdaşı girov götürülüb.

 Modern.az bu barədə BFMTV kanalına istinadən xəbər verir.

 Bildirilib ki, işçilər müəssisə sahibinin oğlu tərəfindən girov götürülüb.

 "L'Olivier" restoranının əməkdaşları daha sonra azad edilib. Onlar xəsarət almayıb, restoran sahibinin oğlu saxlanılıb. Polislə insidenti törədən şəxs arasında danışıqlar iki saata yaxın davam edib.

 Məlumata görə, restoran sahibinin oğlu narkotik aludəçisi olub. O, insident zamanı intihara cəhd edib.