Rusiyada noyabr ayında ən yüksək maaş, 370 min rubl (10249 manat) təklif olunan robotik həllər, proqram təminatının işlənib hazırlanması və tətbiqi ilə məşğul olan şirkətdə C++ vəzifəsi olub.

Azia.az  xəbər verir ki, bu barədə Zarplata.ru məlumat yayıb.

Bildirilib ki, ikinci yerdə 320 min rubl (8864 manat) maaşla Dubayda işləmək üçün çin və ingilis dillərindən tərcüməçi vəzifəsidir. Şirkət işçini mənzillə, təcrübə keçdikdən sonra isə yerli tibbi sığorta ilə təmin edəcək.

Moskva vilayətində 7 yaşlı bir qızın təhsil prosesinə nəzarət etmək, müəllimlərlə ünsiyyət qurmaq, ev tapşırıqlarında kömək etmək üçün 300 min rubl (8310 manat) təklif edilir.

Eyni maaş “Stroyteks” Şirkətlər Qrupunun tikinti departamentləri ilə işləmək üçün hüquq bölməsinin rəhbərinə də vəd edilir.