Hindistanda yüksək hərarətdən 50 nəfər ölüb.

Azia.az Qərb mediasına istinadən xəbər verir ki, Hindistanda təxminən bir həftə ərzində, əksəriyyəti uşaqlar olmaqla, ən azı 50 nəfər səbəbi bəlli olmayan yüksək hərarətdən ölüb.

Yüksək hərarəti olan şəxslərin hazırda xəstəxanalarda müalicə aldığı bildirilib.

Yoxlanış zamanı ölənlər arasında Covid-19-a yoluxan aşkar edilməyib.

Xəstəliyin səbəbi hələ bilinməsə də, bəzi həkimlər insanlara ağcaqanadlar vasitəsilə ötürülən deng qızdırmasından şübhələnirlər. Bir çox xəstədə deng qızdırmasının səbəb olduğu trombosit sayında azalma olduğu izah edilib.

Səhiyyə işçisi Neta Kulşrestha xəstəxanada müalicə alan xəstələrin, xüsusilə uşaqların çox tez öldüyünü söyləyib.