50 nəfər rus qadın uşaqları ilə birgə “İslam Dövləti” yaraqlılarının ailələrinin saxlanıldığı Suriyadakı Ayn İssa düşərgəsini tərk edib. Virtualaz.org bildirir ki, bu barədə onların Rusiyada olan qohumlarına istinadən BBC məlumat yayıb. Bildirilir ki, Rusiyadan olan 100-ə yaxın immiqrant müdafiəsiz qaldıqları düşərgədən yoxa çıxıb. Bu, əvvəllər məhbusları qoruyan kürdlərin Türkiyə qoşunlarının yaxınlaşan hücumu səbəbindən oranı tərk etmələrindən və terrorçu ailələrin yaşadıqları çadırlara od vurmalarından sonra baş verib. Qadınlardan birinin qohumunun dediyinə görə, uşaqlı keçmiş məhkumlar türkyönümlü silahlı dəstələr tərəfindən götürülənə qədər səhrada şimala - Türkiyəyə tərəf gedirmişlər. Bir müddət sonra qrupla rabitə əlaqəsi kəsilib. Bəzi məlumatlara görə, 13 minə qədər insanın saxlanıldığı Ayn İssadan nə qədər məhbusun qaçdığı dəqiq bilinmir.