Ağ köynək qarderobun ən klassik və çoxfunksiyalı geyimlərindən biridir.

Pravda.az bildirir ki, onu müxtəlif geyim və aksesuarlarla kombin edərək həm gündəlik, həm də daha zərif görünüşlər yaratmaq mümkündür.

Jaket ilə — Ağ köynəyi jaket ilə tamamlayaraq daha rahat görünüş əldə edə bilərsiniz. Jaketi çiyinlərinizə ata və ya belinizdə bağlaya bilərsiniz.

İdman geyimi ilə — Ağ köynəyi idman büstqalterinin və ya topun üzərindən açıq formada geyinmək olar. Leggings ilə birlikdə rahat və müasir kombin yaranır.

Mayka ilə — Köynəyi sadə maykanın üzərindən açıq geyinərək cins şalvar və ya qısa şortla kombin edə bilərsiniz. Dabanlı ayaqqabı görünüşə daha zərif hava qatır.

Trençkotla — Ağ köynək, trençkot və qısa çəkmə klassik və şık seçimdir. Köynəyi şalvarın içinə salaraq görünüşü daha səliqəli göstərə bilərsiniz.

Uzun çəkmələrlə — Bol kəsimli ağ köynəyi dar cins şalvar və ya leggings ilə birləşdirib uzun çəkmələrlə tamamlamaq mümkündür.

Qara ətəklə — Ağ köynəyi qara ətəklə kombin etmək klassik seçimdir. Baletka və ya daha diqqətçəkən ayaqqabı ilə görünüşü müasirləşdirə bilərsiniz.

Tam ağ kombin — Ağ köynəyi ağ şalvar və digər açıq rəngli parçalarla birləşdirərək monoxrom görünüş yarada bilərsiniz. Rəngli kəmər və ya ayaqqabı isə kombinə fərqli vurğu əlavə edər.

Qara şalvarla — Ağ köynək və qara şalvar ofis və gündəlik istifadə üçün ideal seçimdir. Rəngli çanta və ya ayaqqabı kombini daha maraqlı göstərə bilər.

Cins şalvarla — Ağ köynək və düz kəsimli cins şalvar heç vaxt dəbdən düşməyən kombindir. Qara kəmər, trençkot və ya dəri gödəkçə ilə görünüşü tamamlayabilirsiniz.

Sviterin altında — Soyuq havalarda ağ köynəyi dairəvi yaxalı sviterin altında geyinə bilərsiniz. Köynəyin yaxasının və manjetlərinin görünməsi daha səliqəli və zövqlü görüntü yaradır.

Əminə Bayramova