azia.az
azia.az

Naxçıvanda dövlət satınalmaları ilə bağlı təlim keçirilir

17-02-2023, 18:44

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti  və Naxçıvan Muxtar Respublikasının İqtisadiyyat Nazirliyi dövlət satınalan təşkilatları və sahibkarlar üçün 3 günlük təlimlər keçirir.

Təlimlərdə Muxtar Respublikada fəaliyyət göstərən dövlət satınalan təşkilatların 100-ə yaxın əməkdaşı iştirak edir. İştirakçılar dövlət satınalmalarının planlaşdırılması və təşkili metodları, tender təkliflərinin qiymətləndirilməsi, satınalma müqavilələrinin bağlanması və digər mövzular üzrə məlumatlandırılır. Təlimin sonuncu günündə sahibkarlıq subyektləri üçün dövlət satınalmalarında iştirak qaydaları, tender təkliflərinin hazırlanması və digər mövzular üzrə təlim təşkil olunacaq.

Qeyd edək ki, tədbirin məqsədi dövlət satınalan təşkilatları tərəfindən “Dövlət satınalmaları haqqında” Qanunun müddəalarına riayət olunması və sahibkarlıq subyektlərinin dövlət satınalmalarında fəal iştirakının təmin edilməsidir.

Bu cür tədbirlərin mütəmadi təşkili nəzərdə tutulur.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
MƏZƏNNƏ
 Valyuta məzənnəsi