Beşinci nəsil Türkiyə istehsalı qırıcısı 2023-cü ildə anqardan çıxacaq. Bu barədə Türkiyə Silahlı Qüvvələrinə Dəstək Fondunun baş direktoru Sadıq Piyade deyib, - Türkiyə KİV-ləri xəbər verir.

Qeyd olunur ki, təyyarənin istehsalı üzrə işlər sürətləndirilmiş templə davam edir. Qırıcı tamamilə daxili imkanlar hesabına istehsal olunacaq.

Sadıq Piyade qeyd edib ki, prezident Rəcəb Tayyib Ərdoğanın rəhbərlik etdiyi fond Kiprdəki sülhməramlı əməliyyatdan sonra Türkiyənin öz silahlarını istehsal etməsinə imkan yaratmaq məqsədi ilə yaradılıb. Dövlət başçısı qırıcı üzərində işlərin 2023-cü ilin sonuna qədər başa çatdırılması barədə göstəriş verib.

S.Piyadenin sözlərinə görə, qırıcı öz analoqlarından fərqlənir: o, radarlarda göstərilmir, uzun müddət havada qalır və bütün keyfiyyətlərinə görə F-16 və F-35 qırıcılarını üstələyir.