Türkiyə 10 il ərzində ABŞ, İsrail və Çinlə birlikdə dünyanın aparıcı pilotsuz uçuş aparatları (PUA) istehsalçılarından birinə çevrilib.

Azia.az xəbər verir ki, bu barədə Fransanın "Le Fiqaro” qəzeti yazıb.

Nəşr vurğulayıb ki, Türkiyə Prezidenti Rəcəb Tayyib Ərdoğan Liviya və Qarabağda özünü uğurla sübut edən pilotsuz təyyarələrin satışı üzrə müqavilələrin sayını artırıb:

"Son iki ildə Türkiyədə istehsal olunan pilotsuz təyyarələr Liviyada, yaxın keçmişdə isə Qarabağda qüvvələr balansını dəyişməyə imkan verib. Azərbaycan, Ukrayna, Polşa və Mərakeşdən sonra Türkiyənin PUA-ları da Qırğızıstanda maraqlıdır. Türkiyədə istehsal olunan pilotsuz təyyarələr səmərəlidir və hərbi təyyarələrdən 20 dəfə ucuzdur".

Məlumatda bildirilib ki, ilkin olaraq bu dronlardan PKK terror təşkilatına qarşı və sərhəd təhlükəsizliyini təmin etmək üçün istifadə edilib.

Qeyd olunub ki, NATO Polşa və Latviyanın türk PUA-larını almaq istəyindən ehtiyatlanır.