azia.az
azia.az

İran xaricdəki əməliyyatlarda dronlardan istifadəni genişləndirir

8-10-2021, 09:16


İran xaricdəki əməliyyatlarda dronlardan istifadəni genişləndirir
İran İnqilab Keşikçiləri Korpusunun xüsusi təyinatlı “Qüds briqadası” xaricdəki əməliyyatlarında pilotsuz uçan aparatların tətbiqini genişləndirir. Virtualaz.org xəbər verir ki, bu haqda müxalif qüvvələrin cəmləşdiyi İran Milli Müqavimət Şurasının bəyanatına istinadən “Frans Press” agentliyi bildirir.

Məlumatda deyilir ki, hazırda İranda müxtəlif çeşiddə PUA-lar istehsal edən 8 zavod fəaliyyət göstərir, həmin zavodlarda əsasən Çin, Cənubi Koreya və digər ölkələrdən alınan ehtiyat hissələr istifadə edilməklə zərbə və kəşfiyyat PUA-ları yığılır.

İran xaricdəki əməliyyatlarda dronlardan istifadəni genişləndirir

Təşkilat bildirir ki, “Qüds briqadası” əsasən PUA-ları Suriya, İraq və Yəməndəki əməliyyatlarında istifadə edir. Eyni zamanda İran özünün hərbi hava qüvvələrini PUA texnologiyası ilə müəyyən qədər modernizə etməyə çalışır. İranın Hava və Kosmik Qüvvələr Komandanlığının nəzdində pilotsuz aviasiya komandanlığı yaradılıb, PUA-lar İranın müxtəlif bölgələrindəki bazalarda yerləşdirilib.

İnqilab Keşikçiləri Korpusu xaricdəki “proksilərinə” PUA təlimi vermək üçün onları İrana gətirir. PUA-lar isə TIR-ların içərisində gizlədilərək İraq və Suriyaya daşınır, Yəmənə isə dəniz yoluyla çatdırılır.

Qeyd edək ki, İran son illər PUA texnologiyasına çıxış əldə edə bilib və raketlərlə təchiz edilmiş uzaqmənzilli PUA-larla yanaşı kiçik kamikadze-dronlar da istehsal edir. Lakin ekspertlərə görə, İran bu sahədə Türkiyə və İsrail kimi ölkələrdən çox geri qalır.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
«    Yanvar 2022    »
BeÇaÇCaCŞB
 12
3456789
10111213141516
17181920212223
24252627282930
31 
MƏZƏNNƏ
 Valyuta məzənnəsi