Bu gün Azərbaycanda insanları düşündürən və qayğılandiran əsas məsələ “Covid 19” virusuna yoluxma riskidir. Çünki Azərbaycanda səhiyyə sistemi elə bərbad hala düşüb ki, adi xəstəlikdən insanların ölməsi faktı artıq heç kimi təəccübləndirmir. Xüsusən savadsız həkimlərin, ora gələn xəstələrə öz aralarında “250 manat gəldi” deyib lağ edən insani duyğulardan uzaq tibbi personalın çalışması insanların
Azərbaycanda özəl klinikaları qəssabxanaya bənzətməsinə rəvac verir. Həqiqətən özəl klinikalara yolu düşənləri soyub buraxırlar. İndi isə pandemiya səbəbindən sərhədlərin bağlı olması, insanların bizim “qəssabxana” təmayüllü özəl klinikaların ümidinə buraxıb. Vəziyyət o yerə çatıb ki, məmurlar, nazirlər, deputatlar, hətta səhiyyə nazirinin özü də Azərbaycan səhiyyəsinə etibar eləmir, Avropada müalicəyə üstünlük verir. Yəni səhiyyə nazirliyinin gülünc vəziyyətinin ən bariz nümunəsi nazirin xaricdə müalicə olunmasıdır.

Biz də bir media olaraq özəl klinikaların fəaliyyətini araşdırmaq üçün bir layihəyə start vermişik. Bunu zəruri edən amil vətəndaşların şikayətlərinin günbəgün artmasıdır.
Vətəndaşlar ümid edirlər ki, prezidentin apardığı sosial siyasətin, islahatların davamı olaraq səhiyyə sisteminə də əl gəzdiriləcək, özəl klinikaların əhalini soğan qabığı kimi soymaq işinə baxılacaq.
Belə yerlərdən biri də Bakı şəhəri Nəsimi rayonu Asif Məhərrəmov küçəsi 25 B ünvanında 6 mərtəbəli binada fəaliyyət göstərən, 1995-ci ildə Azərbaycan Dövlət Tibb Universiteti bitirmiş həkim-travmatoloq Nağıyev Mübariz Şəmistan oğlunun 24 aprel 2013-ci ildə təsis etdiyi “Premium Clinic” MMC – dir.
Xatırladaq ki, biz dəfələrlə Aktualxeber.az saytında “Premium Clinic”də baş verən qanunsuzluqlar, oradakı çatışmazlıqlar, həkim səhlənkarlığı ilə bağlı tənqidi məqalələr dərc etmişik.
Reklamı güclü olsa da “Premium Clinic”də əhaliyə göstərilən tibbi xidmət haqda eyni sözləri söyləmək mümkün deyil. Səhiyyə müəssisəsi demək olar ki, hər cür tibbi avadanlıqlarla təchiz olunub. Lakin qiymətlər həddən artıq bahadır. İlk növbədə onu demək lazımdır ki, “Premium Clinic”də vətəndaşlara ödədikləri pulun qarşılığında qəbz vermirlər. Bəzi insanlar bunun səbəbini soruşsalar da, cavab ala bilməyiblər. Klinikada kassa nəzarət aparatı yoxdur. Bundan başqa, həkimlərin qəbuluna yazılmaq üçün mütləq 40 manat ödəməlisən. Pulun varsa həkim səni qəbul edir, yoxdursa əliboş geri qayıtmalısan, hətta vəziyyəti ağır ölüm ayağında olan xəstələr qəbul edilmir. Burda çalışan həkimlərin bir neçəsi eyni zamanda dövlət xəstəxanalarında da işləyirlər. Onlar pasiyentlərinin bir çoxunu özəl klinikaya yönəldirlər. Bunun əvəzində klinika həkimə müəyyən faiz ödəyir.
“Premium Clinic”dakı əsas problemlərdən biri də bəzi həkimlərinin xarici ölkələrdə təcrübə keçdiyi deyilsə də, peşəkarlıq səviyyəsinin aşağı olmasıdır. Tibb ocağının rəsmi saytında bəzi həkimlərin xaricdə müxtəlif kurslarda iştirak etməsi barədə rəngarən srtifikatlar yer alsa da, həmin şəxslərin işində kifayət qədər qüsurlar var. Bu klinikada dəfələrlə vətəndaşlara yanlış diaqnozlar qoyulub. Sonradan həmin insanlar əlavə xərc çəkib xarici ölkələrdə müayinə olunmağa yollanıblar. Klinikanın fəaliyyətindəki mənfi hallarla bağlı Səhiyyə Nazirliyinə saysız-hesabsız şikayətlər olunub. Hansısa qüvvələr “Premium Clinic”də yoxlamaların aparılmasının qarşısını alır”.
Hətta bir zamanlar tibbi ali təhsili olmayan Elmuraz adlı şəxs “Premium Clinic”də həkim kimi təqdim olunurdu.
Göründüyü kimi biz “Premium Clinic”də baş verən çoxsaylı nöqsan və çatışmazlıqlardan sadəcə bir neçəsini xatırlatdıq. Orada baş verən qanunsuzluqların isə sayı-hesabı yoxdur.
Səhiyyə Nazirliyinə “Premium Clinic” barədə saysız-hesabsız şikayətlər olunub. Amma hələ ki, bir tədbir görən yoxdur.
Movzunu diqqətdə saxlayacağıq və qarşı tərəfin də mövqeyini dərc etməyə hazırıq.