Müğənni Roza Zərgərlinin oğlu Corc Qafarov sosial şəbəkə paylaşımı ilə gündəmə gəlib.

Azia.az xəbər verir ki, o, şəxsi instaqram hesabında bir gün ölkəni tərk edəcəyi ilə bağlı status paylaşıb:

"Bir gün sağ-salamat deyib, çıxıb gedəcəm...! Çox fikirləşdim: ata biləcəyim ən doğru addım!... Çox az qalıb".

Xatırladaq ki, bir müddət əvvəl Roza Zərgərlinin övladlığa götürdüyü aktyor oğlu Corc Qafarova mənzil verilib.

Əmək və Əhalinin Sosial Müdafiə Nazirliyinin tabeliyində Sosial Xidmətlər Agentliyinin sözçüsü Murad Həşimov Corc Qafarova dövlət tərəfindən mənzil verilməsinin qanunvericiliyə uyğun olaraq həyata keçirildiyini bildirib.