azia.az
azia.az

Rəsmi İrəvanın revanş yolunun sonu yoxdur - Korotçenko

17-08-2021, 21:14

Rəsmi İrəvanın revanş yolunun sonu yoxdur - Korotçenko
Üçtərəfli bəyanatda Ermənistan tərəfinin yerinə yetirməli olduğu öhdəliklər dəqiq əksini tapıb. Onlara əsasən, Ermənistan Rusiya sülhməramlılarının nəzarəti altında olan ərazilərdən bütün silahlı birləşmələrini çıxarmalıdır. Nəqliyyat kommunikasiyalarını açması, sərhədlərin delimitasiya və demarkasiyası prosesinə başlaması üçün Rusiya tərəfindən də olmaqla, növbəti siyasi təzyiq tədbirlərindən istifadə edilməlidir.

Azia.az xəbər verir ki bunu Report-a rusiyalı hərbi ekspert, “Milli müdafiə” jurnalının redaktoru İqor Korotçenko deyib.

Politoloqun sözlərinə görə, Ermənistan Azərbaycanı təxribata çəkmək istəyir. Belə ki, rəsmi Bakını sərhəd münaqişələrinə cəlb etməyə və bunun sonradan daha böyük müharibəyə keçəcəyinə ümid edir.

“Ermənistanın təxribatçı siyasətinə Azərbaycan tərəfindən əvvəl-axır müəyyən cavab veriləcək. Rəsmi İrəvan praktiki nəticələr çıxarmalıdır, çünki revanş yolu sonu olmayan yoldur”, - ekspert qeyd edib.

Korotçenko əmindir ki, Ermənistan ictimaiyyətinin böyük hissəsi ötən ilin noyabrında düşdüyü vəziyyətə yenidən düşmək istəmir. Onun fikrincə, Ermənistanın siyasi elitası bundan dərs çıxarmalıdır.

“Rəsmi İrəvanın bunu istəyib-istəməməsindən asılı olmayaraq, mehriban qonşuluq münasibətlərini qoruyub saxlamaq lazımdır. Bunun alternativi yoxdur”, - rusiyalı politoloq fikrini tamamlayıb.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR

MARAQLI
TƏQVİM
MƏZƏNNƏ
 Valyuta məzənnəsi