İdeal olaraq, qadınlar hamilə qalmazdan əvvəl, prekonsepsiya dövründə prenatal vitaminlər qəbul etməyə başlamalıdırlar.

Bunu Səhiyyə Nazirliyi Ailə Planlanması Məsləhətxanasının həkimi Dilarə Zeynalova deyib.O bildirib ki, bu, onların orqanizmlərinin ilk andan sağlam hamiləliyi dəstəkləmək üçün lazımi qida maddələrinə malik olmasını təmin edir.

"Sinir borusu qüsurları hamiləliyin çox erkən mərhələlərində inkişaf edə bildiyi üçün (çox vaxt qadın hamilə olduğunu bilməmişdən öncə), konsepsiyadan əvvəl kifayət qədər fol turşusu qəbul etmək xüsusilə vacibdir. Bununla belə, əgər qadın konsepsiyadan öncə prenatal vitaminlər qəbul etməyibsə, hamilə olduğunu anladığı dövrdən etibarən başlamalıdır. Birinci trimestrin əvvəlində sinir borusu əmələ gəlir, həmçinin mühüm orqan və sistemlər inkişaf edir. Fol turşusu, dəmir və digərləri kimi prenatal vitaminlərdə olan qidalar bu dövrdə körpənin böyüməsini və inkişafını dəstəkləmək üçün çox vacibdir" - deyə o qeyd edib.(ölkə.az)