Sinir sistemi pozulmalarının bir çoxu vitamin-mineral defisiti səbəbindən ola bilər.

Azia.az bakupost.az-a istinadən xəbər verir ki, endokrinoloq Zuxra Pavlova sinirlər üçün ən vacib vitaminləri sadalayıb.

Əksər hallarda B 1, yəni tiaminin çatışmaması baş beyində distrofik dəyişikliklər və ensefalopatiya yaradır.

Çox zaman insanlar yaxşı qidalansa da yenə də bu vitamin əskikliyi olur. Çünki mədə-bağırsaqdan vitamin sovrulması problemi var.
Sinir sistemi üçün təkcə B1, yox ümumilikdə B qrup vitaminlərin hamısı vacibdir.

Bunlar çatışmadıqda qanda homosistein miqdarı çoxalır, bu da ürək xəstəliklərinə səbəb olur. İnsan yaşlandıqca demensiya və altsheymer əmələ gəlir.

Ona görə də baş beyini, sinirləri qorumaq üçün B qrup vitaminləri ilə zəngin qidalanıb, əlavə olaraq, B qrup vitaminləri kursla qəbul etmək lazımdır.

Yaddaş və koqnitiv düşüncə üçün E vitamini də vacibdir.

Minerallardan isə kalsiy, maqniy, marqans, sink qəbul etməlisiz.

Vitamin defisitini xəstə özündə aşkar edə bilməz. Bunun üçün endokrinoloqa müraciət etmək lazımdır. Bir çox vitaminlərin analizi var.