Korrupsiyaya qarşı Mübarizə Komitəsi Ermənistanın ikinci preidenti Robet Köçəryan və oğlunun saxlanılması barədə açıqlama yayıb.

“Cebheinfo.az” xəbər verir ki, açıqlamada komitə tərəfindən aparılan cinayət araşdırmasının bir hissəsi olaraq, Köçəryanın vəzifə səlahiyyətlərindən sui-istifadə edərək, digər  şəxslərlə əlbir olaraq bir neçə dəyərli ictimai və iqtisadi əhəmiyyətli əmlakı dövlət mülkiyyətindən çıxardığını və müxtəlif uydurma əsaslarla bazar dəyərindən xeyli aşağı qiymətə satın aldığını göstərən dəlillər əldə etdiyi vurğulanıb. 

İlkin araşdırma zamanı əldə edilən məlumata görə, o, əmlakın faktiki mülkiyyətini və cinayətkar mənşəyini gizlətmək üçün əlaqəli şirkətlərin adına qeydiyyata alınıb. Əldə edilən əmlak sonradan inkişaf və satış, üçüncü tərəflərə özgəninkiləşdirmə və sahibkar şirkətlərin səhmlərinin, o cümlədən hədiyyələr vasitəsilə ötürülməsi yolu ilə satılıb. 

Beləliklə, 2002-ci ildə “Play City” əyləncə mərkəzinin tikildiyi Açaryan və Tsarav Ağbyur küçələrinin yanında yerləşən 8,3 hektar torpaq sahəsi 44.657.000 erməni dramı müqabilində alınıb. 

İki il sonra, 15 noyabr 2004-cü ildə əmlakın sahibi olan “Fast Kart” şirkətinin 50%-lik payı bağışlanaraq keçmiş prezidentin oğlunun adına qeydiyyata alınıb. 

“Kaskad” kompleksinin sol tərəfində yerləşən 2 hektar torpaq sahəsi 39.630.000 erməni dramı müqabilində alınıb. Daha sonra o, dövlətə məxsus və İrəvanın daha əlverişli hissəsində yerləşən eyni ölçülü başqa bir torpaq sahəsi ilə dəyişdirilib və daha sonra 1.741.931.000 erməni dramı müqabilində özgəninkiləşdirilib. 

“Yeraspasarcum QSC”-nin balansında olan Paronyan küçəsi, 8 ünvanındakı bina da 40 milyon dramı müqabilində alınıb. Daha sonra, ümumi sahəsi 600 kvadratmetr olan ictimai yerlər və bazar dəyəri 331.800.000 dramı olan yeni tikilmiş yaşayış binasındakı iki dayanacaq saxta alqı-satqı əməliyyatları vasitəsilə keçmiş prezidentin oğlunun adına qeydiyyata alınıb.

Geqarkunik bölgəsində yerləşən “Kaputak Sevan” kurort kompleksi 83.669.000 dramı dəyərində alınıb və kompleksin sahibi “Art Build” şirkətinə məxsus 50% payı 15 yanvar 2010-cu ildə saxta alqı-satqı əməliyyatı vasitəsilə keçmiş prezidentin oğlunun adına qeydiyyata alınıb.

Tennis üzrə Olimpiya Ehtiyatları Uşaq və Gənclər İdman Məktəbinə məxsus olan Tsitsernakaberd şossesi 7/1 mülkü və üzərində yerləşən 1700 kvadratmetrlik bina 12.267.000 erməni dramı dəyərində alınıb. "Orange Fitness" premium klubu bu ərazidə 2008-ci ildə inşa edilib və mülkə sahib olan şirkətin 50%-lik payı 2009-cu ildə keçmiş prezidentin oğlu tərəfindən təsis edilmiş şirkətin adına uydurma əməliyyatla qeydiyyata alınıb.

İlkin araşdırma zamanı məlum olub ki, tarixi və mədəni abidə olan V. Sarkisyan küçəsi 20 ünvanında yerləşən Zabitlər Klubu binasının və Nalbandyan küçəsi 16 ünvanında yerləşən yarımçıq qalmış bina bir sıra hüquqi normaları pozaraq dövlət mülkiyyətindən çıxarılıb. 

Bunun müqabilində “Piazza Grande” şirkəti Ermənistan Respublikasının keçmiş prezidentinə rüşvət olaraq ümumi dəyəri 2 milyard 633 milyon 934 min erməni dramı olan 56 daşınmaz əmlak alıb. 

Bu əmlaklar, əsl mülkiyyətlərini və mənşəyini gizlətmək üçün keçmiş prezidentin ailə üzvlərinin və əlaqəli təşkilatların adına uydurma alqı-satqı müqavilələri ilə qeydiyyata alınıb.

Bundan başqa tədqiqat və istehsalat stansiyasının tikintisi üçün nəzərdə tutulan torpaq sahələri də daxil olmaqla,  Müdafiə Nazirliyinə məxsus və Admiral İsakov prospekti 22 və 22/4 ünvanlarında yerləşən torpaq sahələrinin ümumi bazar dəyəri 1.393.870.000 erməni dramı təşkil edib. Lakin onlar keçmiş prezidentlə əlaqəli bir şirkətə dörd dəfə aşağı qiymətə satılıb. 

İstintaq materiallarına görə, 9 may 2006-cı ildə torpaq sahələrini müqayisəolunmaz dərəcədə aşağı qiymətə satmaq və Yaponiyanın “Toyota” şirkətinin Ermənistandakı nümayəndəliyinin rahat şəkildə qurulmasını təmin etmək müqabilində rüşvət olaraq “Toyota İrəvan” şirkətində 30% pay alıb. 

Şirkət cinayətkar mənşəyini gizlətmək üçün keçmiş prezidentin oğlunun adına uydurma satış müqavilələri ilə qeydiyyata alınıb. Cinayət işi üzrə istintaq çərçivəsində altı nəfər, o cümlədən keçmiş prezident, oğlu və cinayətkar sxemlərdə iştirak edən digər şəxslər saxlanılıb.

İlkin istintaq, həmçinin 2001-2019-cu illər arasında keçmiş prezidentin oğlunun adına edilən təxminən 144 milyard dram, 309 milyon ABŞ dolları, 77 milyon avro və 18 milyon Rusiya rublu məbləğində pul köçürmələrinin, eləcə də Ermənistanda və xaricdə istehsalla əlaqəli şəxslərə və onların ailə üzvlərinə məxsus otuzdan çox əmlakın əldə edilməsinin şərtlərini araşdırır.

Əmlakın mümkün köçürülməsinin və ya özgəninkiləşdirilməsinin qarşısını almaq üçün tədbirlər görülüb.

Xəzər