Birinci yerin sahibi kimi 1/8 finala vəsiqəni təmin edən "Bayern" ötən axşam "Kopenhagen"in müdafiəsini yarmağa müvəffəq olmayıb (0:0). 

Azia.az xəbər verir ki, bununla da danimarkalılar Münhen klubunun qələbə seriyasına son qoymağı bacarıb. 

BBC-nin məlumatına görə, "Bayern" 2018-ci ildən bəri ilk dəfə Çempionlar Liqasının qrup mərhələsi çərçivəsində keçirdiyi ev oyununda qalib gələ bilməyib. Beş il əvvəl Amsterdam “Ayaks”ı "Allianz Arena"da uduzmamışdı (1:1).

Tomas Tuxelin komandasının hesabında 5 turdan sonra 13 xal var. "Kopenhagen" yalnız yaxşı top fərqinə görə (hər iki komandanın beş xalı var) “Qalatasaray”ı qabaqlayır. Qrupda sonuncu dördüncü yeri 4 xalla “Mançester Yunayted” tutur.

Mirağa