Xəbər verdiyimiz kimi, Azərbaycanın tanınmış futbolçusu Mahir Şükürovun qardaşı Ümüd Şükürov həbs olunub.

Azia.az xəbər verir ki, məlumatda Şükürov Ümüd Malik oğlunun bir neçə ay əvvəl Gürcüstandan avtomobil ehtiyat hissəsi gətirmək adı ilə 150 manat beh aldığı, dəfələrlə zərərçəkmiş şəxslə əlaqə saxlayan zaman məsələni həll edəcəyini bildirsə də, sonradan yoxa çıxdığı bildirilib.

Hüquq-mühafizə orqanlarının verdiyi məlumata görə, Ümüd Şükürov Sumqayıtda dələduzluq etdiyinə görə axtarışda olub. O, bir neçə ay əvvəl həmin cinayətlərinə görə həbs olunub. Onun hazırda həbsxanalardan birində cəza çəkdiyi bildirilir.

Tanınmış futbolçu Mahir Şükürov isə yerli mediaya açıqlamasında faktı təkzib edərək, Ümüd Şükürov adlı şəxsi ümumiyyətlə tanımadığını deyib.

Lakin Ümüd Şükürovun feysbuk sosial şəbəkəsində Mahir Şükürovla birgə paylaşdığı fotolara rast gəldik.

Həmin fotoları təqdim edirik: