İspaniyanın "Valyadolid" klubu baş məşqçisi Serxio Qonsalesi istefaya göndərib.

Day.Az apasport.az-a istinadən xəbər verir ki, 2018-ci ildən bu postda olan 44 yaşlı mütəxəssis uğursuzluq səbəbindən postundan kənarlaşdırılıb.

Onunla birlikdə idman direktoru Migel Anxel Qomes də klubu tərk edib. La Liqanın son turunda "Atletiko"ya 1:2 hesabı ilə uduzan "Valyadolid" Sequndaya yuvarlanıb. Bu qələbə "Atletiko"ya çempionluq bəxş edib.