Fransalı aktyor Qaspard Ulliel dünyasını dəyişib.

Azia.az "Haber Global"a istinadən xəbər verir ki, Fransada qış turizm mərkəzlərindən birinə istirahətə yollanan aktyor xizəklə sürüşərkən başqa bir adamla toqquşub.

Başından ağır zərbə alan Qaspard təcili olaraq xəstəxanaya aparılıb. Bir müddət sonra isə o, vəfat edib.

Hazırda ölüm hadisəsi ilə bağlı istintaq başladılıb. Polis araşdırma aparır.

"Moon Knight", "Hannibal Rising", "Saint Laurent" kimi ekran işlərində rol alan Qaspard Fransada "Bleu de Chanel" ətrinin də reklam siması idi.